Rojên Lezgîn - Nusret YILDIZ

Rojên Lezgîn

Yazar: Nusret YILDIZ |  Tarih: 30 / 10 / 2026 |  Yazı Okunma: 206

---

Di navbera rojên dîrokî û rojên rojane de  mina pira cinvatê  pireke ku ji îşîqê pêkhatiye dirêj dibe û diçe.Ev pireya ku fizikzan Einştain taybetmendiyên  ligorxwebûnê  lê bar kiriye,li gorî  miriyên me tê ,li gorî zindiyên me diçe.Lêbelê heger ev zeman li gorî  leza îşîqê be di navbera mirî û zindiyan de tu ferq û cudahî namîne pêşeroj û paşeroj digihîje hevdu,yek rastî,yek heqîqet derdikeve holê ku ramanê yekxwedayî û yekxweda jî  vê yekê vedibêje.

Di felsefê de jî feylesof Spînoza nûnertiya vê fikrê dike.Ol ,fîzîk û felsefe bi vî awayî di  nava heqîqetekî de  xwe digihîne hevdu,  lewre çavkaniya wan yek e.mina çemên şaxvedayî,jiyan û mirinê ji jêderekê dertê û disa li cihekî tevlî hev dibe.

Diyar e ku ya diyarker zeman e.Vala vala baweriyên kurd ên mîna Zerdeştiyê wekî destpêk Xweda wek "Zervan" ango "Zeman"bi nav nekirine.Eînştein yeqîn kir ku Zeman bi rêya îşîqê eşkere ye, diherike,ditewe û destpêk û dawî digêhije hev.îşiq ji ber leza xwe di her rewşê de diherike:Him rast ,him pêl bi pêl,him pirtikî.Lez û xiz teşeyê tişta kifş dike.Di bin van şert û  mercan de veger û werarê vejen û bûjenê ber bi hev pêk tê.Formula  Einstein a E=mc2 jî vêya vedibêje.Lez û xiza îşîqê taybetmendiyeke wisa Xwedavendanî dide demê ku Zerdeştiyên feylesof  Xwedê wek îşîq îşîqê jî wek remza Xwedê pênase kirine.

ji ber ku Hz. Mihemed jî Xwedê mina Zerdeşt pênase kiriye , mina Zerdeşt ji wî re jî gotine pêxemberê îşîqê.Helbet Wî jî jiber ku lez û xiza zeman dîtibû xwe wek pêxemberê dawî ango peyamdarê dawî pênase kir.Marx jî ev yeka bi zimanê xwe wiha anî ziman:"Hemû tiştên hişk dibe hilm û gulm"(katı olan her şey buharlaşıyor)

Dema modern a ku  ramanger bi derketina Hz.Mihemed didin destpêkirinê zeman wisa lezandiye ku êdî her tişt bi lez û bez teşe diguhere û êdî wateyeke mayînde ne pêkan e.Berjewendî û pragmatizmeke  bêteşe  gelek wate û serateyan wergerandiye hilm û gulmekî.her wiha wekî ku Spînoza jî dibêje " ya teolojîk politik e ya  polîtik jî teolojîk" . Ango her tişt wisa li nav hevdu ketiye ku ji hev derxistina wan pisporîyeke  dêrîn dixwaze.Êdi dema siyasetmedarên ku Feylesof Eflatûn gotiye" divê  siyasetmedar notlanî feylesofan bin" hatiye.Tenê siyasetmedarên feylesof dikare xisletê demê têderbixe û bi pirsgirêk û pêdiviyên demê re serweriyê dayne.Ew kesên ku xwe di vê rêyê de  perwerde nekirine û nake xuya ye ku tenê li pey kutxweriyên derfetên siyaseteke dijgelan in.

Kesayetiya demê li qada politikayê jî xwe bi awayekî tevlihev nişan dide.Yên ku nikaribin vê tevliheviyê jevderxînin wana bêdilê wan be jî dê bixe Xizmeta pergaleke ne ji wan.

Di ferqêdebûyîn û behreyê serwetbûyînê  êdî ji çavkaniyên xwedayî û esmanê dûr nayê. Bi rêya hînbûn, perwerde û bi destê pergalê gengaz bûye.Dixwazim  çi bibêjim?

Li gorî salix û solixên felsefeya siyasetê Cuhî dema  di asta birdozî û paradîgmayê de fikrekê dadimezirînin ji  nav xwe yekî herî jîr ku ligel heman fikrî de be jî wek dijber peywirdar dikin û armanca valaderxistin û pûçkirinê didin pêşiya wî . Heger ev  kesa  bi pirs û gumanên xwe  ve vê fikrê pûç bike dev jê berdidin na heke  nikaribe jî ew çax misogerbuna wî fikrê  gengaz dibe.

Ji Amerika heya Ewrupa saziyên şarwer ku jêra dibêjin "Ting Tang" bi heman modelê mînak digrin û  ev saziyên derdugelî  yên ku rexnekirina dugelê ji xwe re kirine armanc bi piştgiriya dewletê xwe xwedî dikin.Dugel bi rexnên wan xwe mehkemû areste dike. Pergala kapîtalizmê Das kapîtal û Marksîzmê êdî wek gefekî na ,wek piştgiriyekî dixwîne

Lez û xiza zervan her tişt ber bi pergalê tewandiye û taybetmendiyên dijber ên tu birdoziyan xwe li ber vê lez û bezê negirtine.Lez û xiza vî zemanî ji bo pergala heyî fezayeke yek rengî ava kiriye.

Ji bo vê heger hin kes û tevgerên dil dikin ku pergalê biguhirin û ji xwe re ,li gorî berjewendiyên xwe yên tevayî fezayeke nû ya pêşketi avasaz bikin divê destpêkê di nav xwe de demokrasiyê,paşê jî rexnegirên dijî xwe ava bikin .Dem ew dem e ku êdî kê dijberên xwe bikaribe bixe Xizmeta xwe ew ê ser bikeve.Behreyên siyasetê êdî li ser  demogoji û dirûşmeya na ,li ser behreya bikaranîna dijberi û muxalefetan e.

Di encamê de , siyaseta kurd li gorî vê rastiyê hêj pragmatizmeke rasteqîn hilneberandiye .Dev ji dijberan berde hêj rexnegirî û cudafikirandineke bi navxweyî nehewandiye ku paşeroja xwe bibîne

Axirê,  rexne û rexnegir bi amrazên dijberiyê beşa rasti û misogerkirina sazûmaniya paşeroja raman û gelan û heqîqeta zeman in.

11:39

Yazarın diğer yazıları
Rojên Lezgîn

Henüz yorum bulunmamaktadır. İlk yorumu siz yapabilirsiniz.

Ad, Soyad	*
E-Mail	*
	Kalan karekter sayısı:
Yorum	*
	Güvenlik kodunu giriniz: *
	(* Doldurulması zorunlu alanlar)