Mehmet Avcı: Do Tîretîya Koronavîrusê...

Wekî di hemû warê jîyanê'de diqewime di vê qeyrana Koronavîrusê'de jî di van rojên zor dijwar'de dotîretî û bê dadî dîsa diqewime.Walîtîya bajarê me yê Îdirê, girêdayî biryara wezîrê karê hindir li bajarê Îdirê Bazara Rusan (ku ji % 99.99 esnafê xwe Kurd'ın) dîgel Bazara Tebrîzê daye girêdanê.

Hal ewhale,her çendî di nîv gel'de wekî Bazara Rusan tête bi navkirinê,lê di rastî û fermîyetê'de ne bazare,wekî di wênede jî tête xwuyanê ew suke, ne bazare.Lewra her yek dikan, bi serê xwe kargeheke xwe sere û hemû dikan ji hev cidane.Yanî mînanî dikanên di sukan'de navbera wan'de dîwar,derî,pencere û darabe hene.Ango ne di warê fîzîkî û ne jî di warê fermîyetê'de hîç nakeve statuya bazarê.Em dikarin bêjin rayedarên dewletê,derbarê "Suka Adîl Aşirım'de " peyva bazarê pir şaş dinirxînin û şaş sirove dikin.

Çunku her çendî di nîv gel'de ev wekî Bazara Rusan bête bi navkirinê jî,lê di rastîya xwe'de ev der ne bazare,ev suke.Wekî em mînakekî bidin;mirovekî navê zaroka xwe dayne paşa,nayê wê wateyê ku ev zarok di rastîyê'de bûye paşa û general.Heman rengî "Suka Adîl Aşırım" jî 30 sal berê bazarek bê derî,bê dîwar û bê darabebû.Lê naha ew ne bazare,ew şuke,pêwîste statuya Suka Komarê ya navenda bajêr çêbe, ya wêjî ewbe...

Gelemperî vê pêvajoyê'de hemû hemwelatî û esnafên piçûk, taybetî jî esnafên " Sûka Adîl Aşırım"ê di nîv qeyraneke aborî ya giran'dane.Çunku giranîya bazirganîya "Sûka Adîl Aşırım" li ser Nexçovanê dizivire.Lê mixabin derê hellaca Nexcovan jî, jorî do mehane hatîye girtinê.Ev jî bandorekî zhaf nerênî li ser karê bazirganîyê û esnafan dike.Lê ji bilî Qehwexane,Berber, Kuafor û Talar-Salonên şahîyan hemû kargehên bajarê Îdirê vekirîne û danû sitandinê xwe pêktihînin.

Ev rewşa hanê, biwê newê di nav esnafande hemberî rêveberîyê, rê li nerazîbûn û bertekan vedike.Taybetî jî esnafên "Sûka Adîl Aşırım" pir mexdur û neçarin.Divê Walîtî û Şarederîya Îdirê demildest vê dotîretîyê û nakokîyê li holê rakin û ji esnafan're çareserîyekî bibînin...

Mehmet Avcı

Haber tarihi: 04 / 04 / 2020
Haber Okunma: 924
Haber Yorumları: 0

Henüz yorum bulunmamaktadır. İlk yorumu siz yapabilirsiniz.

Ad, Soyad	*
E-Mail
	Kalan karekter sayısı:
Yorum	*
	Güvenlik kodunu giriniz: *
	(* Doldurulması zorunlu alanlar)